PORTISHEAD: third

4 Xul

preme na imaxe para descargar Third

Non semella Third, terceiro traballo dos británicos Portishead (orixinal o nome), ter sido feito con excesivas pretensións comerciais; mentres a crítica se desfai de xeito unánime en loanzas e aplausos, o grande público halle dar as costas.

Pouco fica nel do seu trip-hop primixenio; Third podería ser a Portishead o que no seu día foi o Kid A a Radiohead, a fuxida por un carreiro tebroso e pechado de silvas dunha banda situada no cumio máis luminoso da súa popularidade.

Third contén once cantigas dramáticas, escuras, desoladoras para a alma, que conforman un disco raro e tortuoso, de audición nada doada e non apto para determinados estados de ánimo; está baseado nunha viscosa arquitectura rexida polas leis da dinámica dos fluídos. A voz de Beth Gibbons é un berro de socorro no medio da noite.

Magic Doors, Small e Nylon Smile poderían considerarse herdeiras do son amosado en Dummy e Portishead, os seus primeiros traballos. O resto son unha grei de inquietantes intres a angustiarnos ben dun xeito máis acústico nalgúns temas e máis industrial noutros.

Portishead optou por levar o seu son á beira do baleiro, inzado de saturacións, acoples, graves insólitos e improvisacións domésticas.

Pasen, escoiten, sintan.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: