KRAKOVIA en directo

20 Nov

krakovia

Krakovia é, sen dúbida, unha das grandes sensacións musicais deste ano que está a piques de botar o peche. O seu primeiro disco, Road Movie (Subterfuge, 2008) é unha amalgama de sons procedentes da cara máis escura do rock and roll clásico e do punk-rock máis macarra, deseñado desde a orixe para estoupar enriba dun escenario.

Dentro da súa xira teñen sinaladas dúas datas en Galiza, o venres 28 de novembro na sala Playa Club da Coruña e o sábado 29 na sala Mondo Club de Vigo. Os billetes custan 12 € anticipados e 15 € o día do concerto, e poden mercarse a través das canles habituais (Ticktackticket, Fnac, Tendas Tipo,…)

Krakovia está formada polo cantante punk italiano (aínda que afincado en Berlín) Petra Flurr, a cantante e bailarina de burlesque Vinila Von Bismark, Guille Mostaza e Juanjo Reig nas guitarras e baixos, Jim Mottila no baixo e David Kano nos moog, theremin e demais cacharrada. Kano é a auténtica alma máter deste proxecto, que supón un xiro radical da súa carreira con Cycle, deixando a un lado a electrónica para darlle o protagonismo a sons máis clásicos.

O que o público galego poderá gozar no directo de Krakovia é un chute á vena de rock and roll sobrerrevolucionado, que o conducirá a ambientes propios que unha road movie en toda regra debe reflectir: estradas solitarias, moteis con algunha letra fodida do cartaz de neon, noites de calor, sucidade, po… Un bo exercicio lisérxico para fuxir da rutina e deixarse aloumiñar por boa música, coma a de antes.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: